孖王浩信雨中跳舞　李佳芯凍親事業線

無綫藝員王浩信與李佳芯晚上在中環為劇集《踩過界》拍攝一場雨中浪漫跳舞戲，現場出動水車製造下雨效果，他們淋得全身濕透，大風加上氣溫只有17度，雖然畫面浪漫，但實情王浩信與李佳芯卻凍到震騰騰，停機時要馬上披毛巾及飲薑茶取暖，認真辛苦！

臨時學舞

王浩信與李佳芯指事前總共排了兩個鐘舞步，部份舞步更要臨場即學，練舞時間是不夠，只好用盡自己所學去做。問到可有做足禦寒措施？王浩信說：「有冇凍親就要聽日先知，就係冇做足禦寒措施，依家半真空架，本來包保鮮紙嘅，但係跳起嚟會沙沙聲就冇包保鮮紙，初時都OK，但愈夜愈凍，都feel到你隻手有啲抖震，只好互相扶持。」凍到騰騰震的李佳芯笑說：「我已經過咗喺香港最凍嘅一日，我有包保鮮紙，但因為條裙係低V，我終於feel到自己條線（指「事業線」），因為啲水直落，呢個感受好深，一淋嗰吓就嘩﹗哈哈。」王浩信笑說：「拍出嚟效果唔錯，多咗呢場《星光夢裏『痕』》係值得嘅，好痕、好凍。」

王浩信夠風度

跳舞時李佳芯主動捉着王浩信的手放在她的腹部，王浩信相當有風度問清楚位置會否令女士尷尬，王浩信說：「要就番個位避免尷尬情況發生，我自己一向好小心去避免。」李佳芯笑說：「我又冇諗咁多，我舒服ok架，放心交畀我。戲裏面講我對佢好主動，跳舞時要拉佢嚟攬住我，有好多呢類身體接觸。」王浩信笑說：「佢角色好OPEN、好主動架。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon