屋企鬥煮餸 田蕊妮同杜汶澤鍊過

20170208
東網電視
更多新聞短片
田蕊妮同老公杜汶澤竟然會喺屋企鬥煮餸,呢啲係咪叫情趣呢?

藝人田蕊妮(阿田)於尖沙咀出席《超時空男臣》煞科宴,她謂今次由她,蕭正楠,王君馨等夾錢請食飯,她謂今次拍劇比拍《迷》時輕鬆,蕭正楠要拍武打,要穿古裝及時裝故較辛苦,即將忙於宣傳《迷》的她謂有很多飯局。

試菜飲頭啖湯

談到丈夫杜汶澤(阿澤)在有線拍飲食節目,問阿田可有份試菜?她說:「冇呀,佢拍完節目返嚟都食到飽晒,我當減肥囉!」至於可有吃過阿澤在節目中煮的菜式?她謂老公在家中有煮過,飲頭啖湯的她笑說:「唔係我嫁佢做咩呀!」

拿手小菜元蹄

至於可會打幾分?阿田說:「我比分就唔準啦,不過朋友都話係好食,佢係慢慢進步,依家佢對食材了解深入啲。」又爆阿澤在節目中煮她的拿手小菜元蹄:「係我嫲嫲教我媽咪,我媽咪教我同佢。(去到你個代失傳?)咁有侄女侄仔嘅,爸爸都讚我煮得好食過媽媽煮!」

阿田又笑指在家中會與阿澤鬥煮餸,有朋友到家中作客時,二人會分工下廚,笑言:「我呢啲廚神唔係成日出手嘅。」

__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon