林作都話like！陳達仁新女安喜兒多人讚

棄律師將全力投身娛樂圈的林作合作夥伴陳達仁，現落實邀請新人安喜兒（Heri）加入旗下公司成為藝人。陳達仁表示：「公司嘅藝人只有自己同安采妮，頂晒籠加埋林作，所以一直都想搵多個藝人加盟，喺呢方面我係非常挑剔，直至無意中有次到加拿大旅行探親，喺當地雜誌睇到個女好吸睛，幾經查訪下終於聯絡上，初時只屬傾談性質，後來知道佢將於幾個月後回港並打算留低發展，我就約佢喺香港見面傾合作，點知原來佢有add我 facebook，而且對我有相當程度既認識，最搞笑係佢老豆有聽開我電台節目，令到原本唔想個女入行既態度都軟化咗，加埋我把口同佢對我嘅了解，我終於K.O咗佢爸爸。」

各走極端

再問到喜兒有何吸引之處，與另一藝人安采妮有何分別？陳達仁表示：「初初我將佢張相畀任何朋友睇包括林作，佢哋第一句係話咁似安采妮嘅，我相信我嘅喜好亦都係代表大部分觀眾嘅喜好，不過如果大家深入再留意一下，就知兩個完全各走極端路線，一個好動一個好靜，采妮鍾意刺激，而喜兒係鍾意畫畫化妝書法及圍棋等等。」

開始踏足香港娛圈

喜兒現已開始踏足香港娛圈，除獲邀出席「中國新歌聲香港區海選」啟動儀式外，亦落實4月份以表演嘉賓身分出席「女子力量音樂會」，陳達仁望喜兒生生性性，可以盡快有采妮的成績。

回流闖香港娛圈

問到喜兒投身藝人的心情？喜兒表示：「最初知道仁哥搵我合作嘅時候真係受寵若驚，因為我喺加拿大都有睇仁哥電台同網台節目，本身我都預咗回流香港發展我家人嘅生意，而家人當初係唔贊成我入娛樂圈，但因為仁哥既關係，所以屋企人畀我嘗試吓。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon