新人黃意雅為拍MV食足一個月西蘭花

新人黃意雅（Cynthia）為首支新歌拍攝MV，邀請到效力東方龍獅球會的足球員李嘉進擔任MV男主角，而身為Cynthia所屬公司的項目總監范振鋒都有到場。阿范接受訪問時，笑言現時在娛樂公司做打工仔，除了做電影工作之外，亦會簽有潛質的新人，其中Cynthia就是自己簽的第一位實力派歌手。

一手包辦曲詞MV剪接

阿范大讚黃意雅有才華，除了作曲、填詞一手包辦外，更會自己拍攝MV和剪片：「簽之前佢喺Indie界都有一班fans，所以今次出碟都會用番佢嘅創作，拍MV又有大師級導演幫手，將所有嘢做番靚啲，咁當然佢仲有進步空間啦。」除此之外，阿范又透露稍後都會簽多三、四個單位，包括女子組合，直言很想培育對音樂有理想的新人。

拍喊戲一Take過

另外，Cynthia坦言手持拍攝MV時心情非常緊張，不過亦很期待同興奮。問到有冇做啲乜嘢事前準備？她笑言：「食咗一個月西蘭花！」她表示三月頭會推出首張專輯，因全部收錄的都是自己的創作，所以希望大家會喜歡。而新歌是講述友情，亦是親身經歷，所以拍攝時需要喊嘅場面亦一take過搞掂。至於問到今次MV同男主角李嘉進可會有親密場口？她笑言：「未知呀，不過都唔介意嘅。（有咩低線？）今次首歌都係講友情，都唔會太激烈。」