謙謙唔喺度！楊怡點吳卓羲做阿四搬嘢

楊怡與羅仲謙去年正式結為夫婦，婚後兩人雖各有各忙，但不忘互氹放閃晒恩愛，早前楊怡於上海演出舞台劇，老公更越洋送贈巨型花牌冧妻。兩人最近度過婚後首個農曆新年，然後羅仲謙又再離港工作，獨自留港的楊怡不時獨來獨往，間中相約朋友打發時間。

自己落手做苦力

日前下午2時左右，楊怡駕車離開大埔寓所，直駛往將軍澳一個私人屋苑，抵達後她將座駕泊在停車場，並在車尾取出大箱貨物，大隻老公不在身邊，惟有自己落手落腳做苦力。只見她先踎下執貨，繼而捧住一大個箱步往電梯大堂，會合經理人離開，只見她逗留約15分鐘便走人，期間發現記者即友善地揮手示意。

另一日，楊怡相約好友吳卓羲（Ron)及經理人歎下午茶，冇老公幫手仍有健壯吳卓羲在場，粗重工夫當然由對方代勞。當日下午3時多一行人步出酒店，楊怡指揮官上身，指示吳卓羲幫忙將一箱重物放上車，對方風度十足笑晒口完全冇托手㬹，幫她安頓好才施施然離開。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon