《迷》後暫別無綫　鄭嘉穎：唔知幾時再拍

藝人鄭嘉穎於尖沙咀出席《迷》首播飯局。嘉穎對拍檔阿田及監製王心慰有信心，所以相信《迷》劇收視有保證。談到今次是暫別無綫之作，嘉穎坦言：「唔知幾時再拍，但呢個世界never say never。（情人節真係慶祝唔到？）佢（陳凱琳）拍緊劇，我又要綵排《風雲5D音樂劇》，唔會嘞。（突然現身畀驚喜佢？）你咪理我啦，我有分數。只要大家好，日日都係情人節！」

嘉穎又笑指綵排《風》劇，自己最花時間是練舞：「企喺舞王謝天華身邊仲大壓力，佢練幾分鐘，我練幾粒鐘，仲要跳得冇佢咁好！」早前增肥練肌肉的他，明顯已「修身」：「今日啱啱試完戲服，好密實，冇乜嘢睇咋。」