馬蹄露未必再開騷：死咗好多細胞

藝人馬蹄露於情人節晚在屯門大會堂開騷，一開場播放了其姪仔馬米高拍攝的搞笑短片，而蔡卓妍、朱咪咪、陳敏之等亦有拍片支持，之後身穿Deep V銀色長裙的馬蹄露就出場大唱《今晚夜》及《乘風破浪》，她說：「每次做騷我都鍾意唱《今晚夜》，但頭先聽唔聽到我啲口水聲，真係原來做到今時今日都會緊張，live就係咁。」

受訪時，馬蹄露表示這次造型師幫她準備了很多套靚衫，與去年個唱的服裝完全不同，因她完成這次個唱後未必會再開騷：「又生咗個『BB』，因為演唱會真係死咗好多細胞，個腦要不停轉，好吃力，好多嘢都要自己做，本來肥番但今日都瘦番，好彩有我姪仔馬米高幫手。今次嘅演出好趕，要不停睇吓有咩要改，要轉rundown，自己都好心急，本來今日諗住早啲嚟綵排，但屯門發生交通意外，希望大家平安。」又指知道有很多大埔的街坊客及來自澳門和馬來西亞的朋友特意來捧場。

提到是情人節，單身的她表示很高興能與觀眾過：「我唔知場內有幾多人，但有咁多人同我一齊過情人節，我係好開心，我媽咪、家姐、細佬都有嚟，但我阿嫂身體抱恙，驚多人有菌所以嚟唔到，我知佢有心，希望佢快啲好番。」

高志森約焦媛食消夜

主辦這次演出的高志森表示與屯門場地有伙伴計劃，會在此舉辦多個演出，而他覺得馬蹄露是唱得之人，客路亦適合屯門居民，便找她開騷：「佢係有街坊客嘅，我哋本來淨係開樓下，近一千個位就爆晒，我哋早幾日先加開樓上，因為加咗樓上就冇爆晒，但算反應好好。」問到可會再找馬蹄露開騷？他指屯門觀眾比較喜歡聽女性的歌曲，考慮下次開慶祝婦女節的演唱會。而高志森透露女友焦媛因要為舞台劇在內地的巡迴演出做綵排，所以沒有與他一起到場，唯有夜晚食消夜慶祝情人節：「我約咗佢今晚消夜，冇辦法，各有各忙。」