大晒深長事業線！何傲兒揚言要進軍樂壇

藝人何傲兒低胸現身皮草活動，大騷深長事業線，十分澎湃！她笑言因很久沒在香港跟大家見面，所以要打扮靚一點，她說：「我之前返咗內地做嘢，又幫許冠傑做演唱會，之前去咗澳門。（咁咪豬籠入水？）OK啦，可以再多啲，唔夠喉呀！不過可以幫許冠傑做嘢，冇錢都做，唔會計較，嚟緊第二站去星加坡，我同公司爭取去做，我話冇錢都得。」

她又透露今年打算推出相集，以及自己作曲，她續說：「希望首歌可以同本相集一齊喺書展出，我都試過用鋼琴自彈自唱，其實我古箏由中學學到依家，喺許冠傑演唱會上表演，啲人唔知係咪真係我彈，所以我特登喺Facebook做直播，今年想用音樂同大家多啲接觸，（進軍樂壇？）其實講咗好耐，真係開始進啦。」