王菀之孖張敬軒開騷 老公撐場勁sweet

20170217
東網電視
更多新聞短片
老公撐場,120%實力!

歌手張敬軒與王菀之(Ivana)一連四場演唱會《The Magical Teeter Totter演唱會2017》昨晚於紅館開鑼,場外有不少紀念品發售,如180元的購物袋及280元的T-shirt,套裝售價則要1,200元,內裏包括T-shirt、購物袋各兩款、貼紙共四款及由Ivana老公Eric So設計的小模型,但模型要到4月底才出售。

演唱會於8時35分開騷,獲黃偉文、Eric So、蔡一智夫婦與蔡一傑等撐場。軒仔與Ivana今次挑戰紅館四面台,軒仔甫開場由台下升上來,穿上白金色閃爆西裝襯紅髮出場。至於Ivana以一襲黑色奇特宮廷服配黑色巨形頭飾現身,其後她就將宮廷服脫掉,只剩下長Boot兼短裙,與軒仔對唱《開籠雀》。跳唱《相對論》時,軒仔差點掃跌Ivana的頭飾,場面有點論盡。其後,兩人唱出串燒歌包括《相逢何必曾相識》、《叉燒包》與《牛油蛋撻》等,軒仔深情地摸着Ivana手仔、面珠兼攬腰,Ivana則作狀打軒仔,簡直旁若無人地在Ivana老公面前打情罵俏,最後一班Dancers將Ivana抱起,軒仔則躺在地上互指,扮演16世紀名畫《創造亞當》的Pose。

帶腰患上陣:用晒一年脫苦海!
兩人在台上感激入場觀眾,軒仔笑言大家雖不清楚演唱會的主題,但仍支持他們夠晒勇敢。提到Ivana的腰患,她說:「跳完個Opening就用晒一年嘅脫苦海存貨!」當軒仔問到Ivana的奇特服裝,他笑說:「你個頭飾係咪雷達嚟?係咪要監視老公?」軒仔又搞笑指與Ivana開騷就好似初三赤口,隨即「命令」她落台,Ivana則陰聲細氣地說:「咁我喺下面等你啦!」令全場爆笑。

__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon