有樓有車　岑潔儀30歲生日老公送鑽石

女藝人岑潔儀（Zoey）與馬來西亞富商老公Dixon向來恩愛，之前Dixon曾送樓送車冧老婆，閃爆大家眼球！日前Dixon預祝Zoey的30歲生日兼情人節，再次大手筆送鑽石首飾，價值六位數，氹得Zoey非常開心！她說：「其實都好耐冇送嘢㗎喇！我哋老夫老妻，少咗啲驚喜，可能係我30歲生日，老公就送份大禮畀我！」講到生日願望，Zoey說：「最緊要一家人健康平安，之前囝囝病得好犀利，大家都好擔心，所以健康最重要。」雖有老公錫到燶，Zoey仍會繼續工作，將任網上電台主持大談親子關係，與嘉賓分享育兒及人母扮靚資訊。