硬食兜巴星　安喜兒讚林作有風度冇嬲豬

藝人陳達仁旗下新簽的影壇新人安喜兒早前被拍得在餐廳試戲時，大大力摑了林作一巴變全城熱話，安喜兒接受東網訪問時，她表示那天跟經理人兼藝人陳達仁、師姐安采妮及林作，與電影公司投資者程芷渝（Milla）首次見面傾合約事宜，由於Milla欲了解他們的演技，故即場要求試戲，由林作扮演到光顧餐廳的老闆，采妮則是餐廳經理，而她則是餐廳的待應生。劇情是林作對扮待應的喜兒感興趣，故向餐廳經理采妮示意讓位給她和林作同坐，在林作在喜兒耳邊說一句話後，她就要表現盛怒再狠摑林作一大巴掌。

問喜兒到底林作在其耳邊說了甚麼話，她說：「佢叫我打佢一巴時唔好咁大力囉。」問為何她又如此大力？她表示：「其實我內心好掙扎，因為大力又怕林作嬲，但唔夠大力又要打多佢幾次，所以我諗不如大大力打佢一巴就算，我可能情緒太激動關係，所以大力咗，不過事後，我都不停同林作講對唔住，佢都好好，好有風度，冇嬲囉。」

問喜兒覺得自己演技如何？她覺得尚有進步空間，事後Milla更親教她拍打戲，喜兒話：「程老闆教我唔使咁大力嘅，拍戲吓吓咁大力係唔得嘅，應要就位，唔係用真力。」

而采妮則指當時也不知師妹喜兒會大大力摑林作一巴，她說：「可能因為現場仲有班外籍人士在場睇住我哋，所以喜兒就大力咗，不過真係要讚林作佢冇嬲，仲好有風度同大家有講有笑。」