王菀之尾場騷落淚　張敬軒拖祖兒落水

歌手張敬軒與王菀之（Ivana）一連四場假紅館舉行的《The Magical Teeter Totter演唱會2017》來到尾場，接着到Ivana的個人演出，坐在鋼琴前的她表示之前在這個環節都沒有說話，因自己不擅言詞，但今晚是最後一場，所以有些感謝的說話要講，之後她哽咽說：「我知軒仔唔鍾意我咁講，但我知呢四場演唱會大部分都係佢嘅歌迷，唔緊要，我都好開心。由出道到依家我嘅歌迷都唔多，如果唔係有軒仔，我都冇機會喺咁多觀眾面前.…」更忍不住落淚，歌迷即大叫「有我呀」、「唔好喊」。Ivana謂非常多謝歌迷有耐性去了解她的音樂，讓她可在音樂中表達她想表達的東西，之後自彈自唱《畫意》送給歌迷。

畀粉絲嗌軒叔

在軒仔唱畢《等》及《櫻花樹下》後，表示覺得粵語歌需傳承下去，又指感受到自己變成前輩歌手，歌迷即大叫他「軒叔」。軒仔說：「你哋嗌嘅咩？一出道大家叫我『軒仔』，依家叫『軒叔』，咁容祖兒應該嗌佢咩呢？」拖到場欣賞的祖兒落水！軒仔謂一個月前因《歌手》風波而出現在各大媒體，曾擔心沒有朋友會來看其演出：「多謝呢幾晚嚟睇嘅朋友，你哋衷心支持我、信任我。除咗身上嘅演出服返到屋企，我同你哋一樣，都係生活喺繁忙工作中嘅人，一樣會有高有低…」

後排觀眾衝定上前

此時，知道將有握手位的後排觀眾已衝定上前等握手，軒仔笑說：「其實我未必有握手位㗎，做咩衝晒上嚟？你哋叫坐山頂嘅觀眾情何以堪呢？」他續謂這次演唱會的名字有提及搖搖板，認為玩搖搖板的樂趣在於有高有低：「作為歌手，我希望身體力行，遇到困難時，我決定努力寫多啲同唱多啲好歌去報答你哋，大家都要加油好冇？」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon