遇唔到伯樂！柳俊江自爆唱歌幾叻

樂隊Nowhere Boys及前新聞主播柳俊江到電台受訪，講到他們新歌《天外飛仙》找來柳俊江構思拍MV，他們表示開心MV推出一星期已有五萬多點擊率。問到為何找柳俊江合作？成員Van表示：「因為有次出騷柳俊江做MC，我哋經理人試吓搵佢一齊合作，我哋玩咗「港式科幻」嘅題材，玩一啲港產Feel嘅Topic，嚟緊嘅歌都想搵佢再合作，睇吓畫面上合作定填詞。」柳俊江亦謂他們坐埋一齊就會講啲麻甩嘢：「我哋都有睇香港八、九十年個啲愛情動作科幻武俠片，大家成年人，所以今次都玩番啲成人啲嘅題材。」

柳俊江亦謂今次MV concept玩愛情動作，叫他們穿古裝玩穿越來到現代在街頭用武術招式聊女仔，他亦踢爆他們不夠膽做，只有Van是完全沒有包袱，Van表示：「反正着咗古裝應該冇人認得，變咗第二個人咪搏啲。」其他成員就謂已結婚，是冒生命危險去做。柳俊江又謂最初都擔心有人會以為他們非禮：「所以都做定準備要出嚟幫口話拍嘢，但最後係冇事發生，大家點到即止，佢哋都成功攞到電話。」他亦謂擔心成員又要耍拳又要咪嘴很難做，但最後都順利，一日內就拍完。問到柳俊江可會想唱埋歌？他謂：「我唱歌好擅長，但冇乜伯樂，睇吓有冇機會做吓live show。」