阮民安升呢做老竇！太太誕7磅半B仔

E-Kids成員阮民安（Tommy）榮升做爸爸了，早前被揭與張倚雯（Eva）的擬結婚通知書排期結婚。而Eva既的ig當時已經上載咗好多張性感大肚相，Eva話咁快喺今日更新社交網，公布喜訊，留言「2017-02-17。BB已平安出世啦！順產7磅半的B仔。二人出門，三人回家，感覺好奇妙haha！生仔十級痛果然名不虚傳。爆發新力量。來回地獄也值得。手指長長的一家。newborn，babypinkland。」

做老竇即搞Gag

對於榮升做爸爸，Tommy接受東網電話訪問時，流露一把喜悅聲音，當恭喜佢做爸爸，佢先搞gag話：「有咁嘅事？聽聞過，疑似係！」問到Tommy點解仲唔認做爸爸？Tommy笑說：「我唔係唔認，好開心（係咪放唔低偶像包袱？）喺1月21日E-Kids開完騷，我就放低咗，變咗實力派歌手。」Tommy笑言有睇到Eva個post，以佢所知BB是17號出世。

佢又大讚兒子腳頭好：「E-Kids隔咗咁多年，仲可以返上舞台開騷，係奇迹。」Tommy又話Eva係順產：「我覺得一個媽咪真係好偉大，經歷咗2、30個鐘頭痛苦生B，曾經有啲護士長喺網上話，啲媽咪生完B，啲爸爸即刻就去睇BB，其實應該係緊張媽咪先啱，我都覺得要表揚吓媽咪，（你有冇入產房？剪臍帶？）呢個我就唔想發表，唔想講太多。」

囝囝取名Caesar

問到兒子改名未？Tommy表示中文名留給家中前輩去改，他說：「英文名就叫Caeser（凱撒），因為媽咪好鍾意睇荷里活啲英雄片，好似Batman、蜘蛛俠等等，因為個仔成身毛，好似馬騮咁，就諗起《猿人爭霸戰》戲入面嘅男主角Caeser，好有霸氣，羅馬帝國又有凱撒大帝，好似好有型。」

手指又長又多毛

Tommy又話佢好感恩，亦會努力學習，太太坐月期間，會盡力幫手：「太太生B真係好辛苦，又要餵哺人奶，好佩服好尊重，既然我身理上未必幫到，都要做個男人負番啲責任幫手做吓雜務。」問到兒子似邊個？他笑說：「唔知，佢手指、腳指都好長，好多毛，耳仔都有毛，尖尖下巴，似阿媽好啲，似我把鬼，似媽咪靚女幾好。」

之後，佢哋發嚟B仔靚相，同Tommy講嘅一樣，B仔面尖尖，似足媽咪呀！

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon