佗B打亂星夢陣腳　吳若希加簽3年補鑊

「星夢一姐」吳若希（Jinny）在2013年由星煥國際，轉投無綫旗下的星夢唱片，即獲公司力捧，先後接拍劇集及旅遊節目，更多度獲欽點唱劇集主題曲，在洗腦式狂播下兩度奪「金曲金獎」。雖然被星夢揸Fit人何哲圖視為掌上明珠，但Jinny去年底突然宣布佗B女，預產期為今年5月，消息一出令何哲圖大感驚訝及打亂陣腳。

改捧「窮歌手」菊梓喬

原本何哲圖打算今年初為Jinny再度打造「金曲金獎」熱爆歌，奈何她要安胎，令計劃被迫叫停。據知，今年中與「星夢一哥」許廷鏗齊齊約滿的Jinny，去年底被「加監」加簽3年死約，合約期直至2020年，同時星夢改捧剛加盟的「窮歌手」菊梓喬（Hana），並將原本給Jinny唱的劇集歌《一輩子守候》改由Hana唱。

7位數邀任BB產品代言

據知，身在澳門安胎的Jinny，其B女未出世已獲不少贊助商送BB產品，同時多個BB用品廣告商以銀彈攻勢邀Jinny做代言人。由於她有意待囡囡3個月大後才工作，故公司不敢為她簽廣告約。另外，Jinny在社交網上載大肚新相外，更直播參觀熊貓館過程，片中的Jinny不停講口頭禪「巧打耳」。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon