林二汶畀林一峰嚇死：見佢反白眼以為死

歌手林二汶出席慈善活動，提到哥哥林一峰早前突然暈倒家中急送院，二汶承認見到哥哥反白眼時被嚇一跳，一度誤以為他會失救至死，二汶說：「真係畀佢嚇死，好彩Check晒所有嘢冇事，所有報告都正常，應該係成日飛搞到體力透支，不過真係要特別鳴謝一班醫護人員。（有冇諗過阿哥會死？）有呀，真係唔知咩事，暈到反白眼喎，喺醫院陪到佢通宵。」

二汶承認一峰出事一刻不敢通知母親，她說：「夜晚十點發生，我驚一講畀媽咪聽佢搵埋一份，哥哥安頓晒第二朝先通知佢。（媽咪咩反應？）佢喺街買緊嘢，聽完之後都話暈要坐埋一邊，如果畀佢目擊哥哥暈低，真係死緊。」二汶勸所有人要冷靜處理所有事，並透露會盡快為自己做一個詳細身體檢查。