同媽咪冇嘢　鄧兆尊：佢同小艾有拗撬

鄧兆尊近年出現三位女朋友Carmen、車厘子、Claire，不少人都會對四人怎樣相處感興趣。鄧兆尊接受訪問大方談到與三位女友的相處情況，並直言自己不喜歡現在女友們「三人行」的局面，鄧兆尊謂：「其實依家呢個局面唔係我想見到嘅，全部都係陰差陽錯，令到大家行到呢個局面。（三位女友有無話喜歡你甚麼？）我絕對冇乜嘢值得人喜歡，或者係好恰啦。（咁第一個女友知道你有第二個女友嘅時候，反應係點呢？）好冷靜，因為係好自然咁發生，但當然中間有啲問題，但我唔會講。」至於鄧兆尊跟這三位女友相處是怎樣分配時間？他謂：「我哋唔會特定邊一日係邊一個，只要邊個需要我多啲，就會陪嗰個多啲，唔需要公平咁分，佢哋三個亦有個電話group，大家會知道大家嘅情況。」

有指早年鄧兆尊拍攝《皆大歡喜》時，曾遇過不快事，鄧兆尊對此回應：「係有小小唔開心，但依家已經唔記得。（監製徐遇安話唔覺你唔開。）佢係一個好好嘅監製，過咗去嘅事，我亦唔想再提。」

對於祥嫂入院，鄧兆尊直言已知悉，並謂：「佢冇乜嘢。（你同祥嫂現在的關係是否不太好？）我同佢其實冇嘢，我可以去搵佢，只係佢同小艾有啲小拗撬，呢啲每個屋企都會有。（有冇諗住探吓佢？）佢冇乜嘢，我有啲好好嘅朋友喺佢身邊，如果佢有事，我會知道嘅。只係我唔係好明點解佢去開九龍區一間醫院，但今日又去咗香港區個間，不過佢兩間都會去下嘅。」