陳國坤等老婆養好身體再造人

藝人陳國坤為其監製及主演的新片在屯門拍攝外景，飾演警察的他西裝骨骨，十分型仔，雖然忙於拍戲但他表示都身在香港，故未有令他少見仔仔。

談到戲中找來老婆黃伊汶飾演他女友，問到是否有私心？他說：「我諗咗好耐都唔知搵邊個演好，問埋佢意見，諗諗吓不如搵老婆做。」又笑謂角色正經，未有需要親熱戲。至於有否因拍戲與老婆有嗌交？他說：「無喎，佢做戲好過我啦，唔使我教！」

太太表示想帶仔仔與他一起去旅行，他笑謂仔仔最遠只到過澳門，他說：「依家識行啦（再生？）生！但係都要睇老婆，等佢休養好個身體！」