黎明歌迷提早排隊霸位：鍾意咗佢三十年

天王黎明（Leon）今晚將於中環海濱舉行一場《Leon's Penguins in Live 2017》全企位演唱會，下午三時五十分左右，已有約三百名歌迷在門外排隊等候入場，希望可以搶先霸頭位企，近距離觀賞Leon的演出。

排頭位的幾位女歌迷一見記者即擰轉面，坦言不方便上鏡：「我哋特登請假嚟嘅，尋日下晏已經嚟排隊，輪住返屋企沖涼。」排約五十位的三位女歌迷就透露下午一時多已到場排隊，又指是特意從英國回來捧Leon場：「上次冇睇，所以今次特登返嚟睇，希望Leon唱多啲快歌，我哋鍾意咗佢三十年。」問到今日天氣可會太凍？她們說：「今日天氣好正，落雨都唔怕啦，好適合做企鵝！」至於可有留意昨晚有歌迷企圖跳海？她們指有看新聞，但不認識對方。