76歲柏德烈自爆誤會已割包皮 曉積文狂笑

20170224
東網電視
更多新聞短片
柏德烈自爆多年來都誤會已割包皮,曉積文笑到就死!

76歲英國影星「X教授」柏德烈史釗活(Patrick Stewart)近日與曉積文(Hugh Jackman)上清談節目《The Graham Norton Show》時大方分享曾與老婆就包皮環切術(又稱:割包皮)一事鬧出笑話,一直以為自己早於小時就已割包皮的他表示:「有一晚我同老婆傾偈時,我提到割包皮,佢即刻話:『你冇割包皮。』」柏德烈自言當堂嚇一跳,仲向老婆表示媽媽早於他小時就指他已割包皮:「呀媽仲話呢件事(割包皮)當時好潮!」柏德烈最後決定向醫生求證,對方仔細睇真啲表示「你未(他割包皮)!我係猶太人,我完全知道有割同冇割嘅分別!」曉積文於對方身邊笑唔停,仲笑到用手拍打柏德烈,場面勁好笑!

雖然大方開心Share搞到愈講愈詳細,不過柏德烈講完即後悔:「噢,不!我嘅孫仔女會睇到個節目!」不過已經收唔收口,場面搞笑!柏德烈先後結過三次婚,分別係第一任老婆Sheila Falconer(1976-1990)、第二任老婆Wendy Neuss(2000-2003)以及2013年娶咗現任老婆Sunny Ozell,未知到底係邊個老婆提起包皮事件!