王敏奕透Bra唔打底　曾國祥撐拍露點戲

藝人王敏奕（Venus）、馬志威、麥家琪及黃一山等，到奧運站出席新片《初戀日記：賤男蜜擾》首映禮，Venus以藍色通花，透Bra長裙Look現身，非常省鏡！

曾國祥嫌打扮唔夠

Venus表示性感無須問過男友曾國祥意見，她說：「佢連message我叫我加油都冇，我都唔得閒理佢，佢都想嚟捧場支持，不過佢去咗拍嘢，唔喺香港，如果佢想睇，我會陪佢睇多次，但係佢拍完嘢返到嚟香港，可能都趕唔切，因為佢要拍兩個月。（影咗呢身打扮畀男友過目？）冇，好趕，亦都冇呢個習慣，佢成日話我打扮得唔夠?！其實今日呢件衫好靚，如果喺裏面加tube打底，會好尷尬！」

《色，戒》級演出

近日她在新片中的學生妹造型，被網民熱炒，但Venus不諱言就連男友都批准她可以有《色，戒》級的演出，她說：「除咗學生look，仲有大個咗嘅造型，不過我想講，我成日同男友講笑咁講，我話如果有套《色，戒》搵我演湯唯個角色，我拍唔拍？佢話：『拍！《色，戒》喎！』（湯唯喺套戲露點！）係呀，佢仲答得快過我，話如果有一個好嘅劇本，有咁嘅需要，佢唔會出聲講啲咩，佢會明白！（你肯拍？）我睇過唔過到自己嗰關，要同公司商量。（要男友做導演先肯拍？）我諗佢唔會拍。（佢要做梁朝偉個角色？）嘩，有得畀佢做梁朝偉，佢就開心囉，到時佢唔理邊個做湯唯都肯演，係人都做啦！」

馬志威冇理曾國祥

馬志威則多謝Venus信任，他說：「戲中我哋都有啲親密嘅鏡頭，多謝Venus嘅信任，拍之前我哋都有溝通好，陣間會錫邊度，會掂邊度，都有事先講咗先。（都多謝曾國祥對你嘅信任？）吓，冇理到佢喎，哈哈，唔好意思！」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon