陳敏之為《溏心3》犠牲湊仔時間

無綫藝人陳敏之今午出席慈善活動，被小朋友測試眼力。母愛泛濫的敏之自爆未婚前已喜歡照顧身邊人，更有助養小朋友。談到近日因拍劇而未能陪伴兩個月大的兒子「雷冬至」，敏之坦言：「唯有得閒攞部手機出嚟睇吓相，佢未戒夜奶，返屋企我會埋身餵一餐，希望爭取機會見吓佢。」

搵總監傾拍《溏心3》

由於趕拍劇關係，敏之坦言同時間忙事業與家庭，每日只得兩、三小時休息時間：「我成年冇拍劇，《溏心風暴3》呢啲製作亦可遇不可求，所以我真係好想拍，主動同總監製家豪哥（劉家豪）講話我會keep fit同準備，台前幕後有講有笑，感覺好溫暖。」

追女湊好字

敏之計劃完成拍攝工作後，會帶「冬至」出埠享受陽光與海灘：「畀個水泡佢笠頭再拍片，一定好得意。（再追？）過幾年先，想追個女湊成好字，但一定兩個夠晒數。（太錫個仔，老公呷醋？）我都會講兩個都係我最愛，不過BB細要我哋照顧嘛，佢都好開心我咁錫個仔嘅。」