祥嫂灵堂哭诉：兆尊晒命为返娱乐圈

“祥嫂”洪金梅撑着拐杖在契仔契女陪同下现身鲁芬灵堂，问到最后一次与鲁芬的见面情况？祥嫂说：“年底喺元朗撞到，当时佢身体睇落唔错，平时元朗街市都会见到佢。”撑拐杖现身的她问到身体如何？她说：“顶得顺，今次系鲁芬最后一次，一定要嚟。”

求畀面祥哥

祥嫂被问到邓兆尊早前接受访问大谈身边三位红颜知己之事时，祥嫂闻言即时眼红红，更边讲边落泪，更显得步履不稳，表示要冷静一下：“畀我组织下先，咁同你哋（指记者）有个交代，觉得你哋要怜悯吓我。”祥嫂整理思绪后说：“呢件系好事，个仔都人见人爱，始终系新马师曾个仔，手头上有4个、6个都好应该，后生仔嚟㗎嘛，我讲得得唔得体呀？唔好再笑佢同挖苦佢，畀返啲面祥哥（新马师曾），其实我都好挂住，邓兆尊有3个咁多，唔好再令佢烦恼，要烦就烦我好啦。”

有几个女人都支持

祥嫂突然声泪俱下激动地说：“兆尊今日出嚟承认，佢系有苦衷，佢想入番娱乐圈呀，唔知系边个蚕虫师爷度条咁嘅桥，叫佢一拖一、一拖三咁出嚟，咁样搞，唔好咁啦兆尊，啲男仔睇到你亦都会话你晒命。”

祥嫂接着说：“仔，呢个系身体健康嘅象征，最紧要唔好畀啲女人啰啰唆唆！唔怕，你有几多个，妈咪都继续支持，最紧要你应付得嚟！仔，你唔好怕，你返出嚟（娱乐圈）啦！”

“仔女冇争过产”

祥嫂停一停说：“我要讲得好得体，亦都要讲事实。佢呢个系一个方法嚟，想返娱乐圈......留一点情畀新马仔，佢做咁多好事，帮尽咁多人，亦都等如帮我祥嫂。”祥嫂突然又激动调高声调：“我讲嘅嘢依家觉得好得体，但系事实嚟，希望留返啲面畀祥哥，亦都当系帮助吓我啰！我啲仔从来冇争过产，唔曳嘅，系我一个人衰，我一个人唔啱！该死嘅唔死，（指向灵堂）后生嘅死咗！生命好脆弱，自己都唔及当年，唔好为我难过，呢样嘢我19年来冇讲过，系为咗顾全大局，依家先讲返！”话毕，祥嫂由契仔契女陪同下回到灵堂。

事后，东网联络上邓兆尊，他表示身在大陆暂不回应。

__________________________

想听歌？想睇MTV？想了解本地Indie Band资讯

快啲click入“声大夹乐”专页： http://on.cc/musicon