獨立精神獎　《月亮喜歡藍》掃6獎成大贏家

「奧斯卡前哨戰」獨立精神電影頒獎禮（Independent Spirit Awards）於美國時間周六在加州聖莫尼卡舉行，黑人同志電影《月亮喜歡藍》（Moonlight）大熱掃六獎成大贏家！

賽前大熱《月》一口氣掃盡最佳電影、最佳劇本、最佳導演、最佳攝影、最佳剪接及Robert Altman獎，為周日舉行嘅奧斯卡造勢，贏面大增，事關過去三年在頒獎禮上獲得最佳電影嘅作品都在奧斯卡獲得最佳電影，有望於威脅《星聲夢裡人》（La La Land）奪大獎嘅機會。獲最佳導演嘅Barry Jenkins上台致詞時透露，成套戲僅花了150萬美元（約1170萬港元）、三星期拍攝，將獎項獻給抵受炎熱天氣拍攝嘅台前幕後人員，而《月》奪得Robert Altman獎時更獲全場站立拍手致敬。

至於男女主角方面，基斯艾佛力（Casey Affleck）憑《情繫海邊之城》（Manchester by the Sea）封帝，《烈女本色》（Elle）伊莎貝雨蓓（Isabelle Huppert）亦威水封后。女星Molly Shannon憑《Other People》獲最佳女配角，上台時指癌症已成為好多人故事嘅一部分，係好值得分享嘅故事，並擺出佢喺《周末直播》（Saturday Night Live）中角色「Mary Katherine Gallagher」嘅招牌甫士，再講經典對白：「我真係覺得呢一刻自己好似超級巨星！」至於男配角就由賓科士打（Ben Foster）憑《非正常械劫案（Hell or High Water）獲得：「現場都坐滿了『建築師』及『詩人』，這就是我們拍電影的原因。」德國片《爸不得妳快樂》（Toni Erdmann）則獲得最佳國際電影獎。