麥包被易角　黃智賢執兄弟二攤：好難受

藝人黃智賢接受電台訪問，講到無綫熱播劇《親親我好媽》他的角色原本是麥長青（麥包）做，但後來易角轉為他「執二攤」演出，對此他表示：「開拍前一個月知道要拍呢套劇，監製打嚟叫我做，佢冇提過麥包呢個名，我都係後尾先知之前cast麥包，嗰陣編審仲好似同佢講埋個故仔。」

哽咽講感受

身為麥包好兄弟的他續謂：「作為演員好難受，我自己都試過，同你講埋個故仔但又抽走咗，我同麥包好熟，我有叫佢了解吓件事好啲，不過佢同高層點樣傾我唔知，不過係有件咁嘅事kick住自己，之後麥包冇再拍劇，做《街市遊樂團》好成績我有啲安慰，佢離開TVB後有更好發展我更大安慰。」之後他好像有點哽咽謂：「過年同佢食飯我見到佢都有攬住佢，見到佢依家咁樣好好，作為朋友好安樂。」

被換角感同身受

他續說：「明白呢啲唔關我哋兩個嘅事，演員係一隻棋，點樣部署係上面傾，但發生喺老友身上，我都身同感受（感同身受），一定係唔好受，不過呢啲陣前易角，執幾多攤都時常發生。（介意執二攤？）唔會，成日都有，嗰時《食為奴》原本都唔係我做。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon