黃智賢收視報捷 江美儀襟撈爛做冇投訴

20170301
東網電視
更多新聞短片
《屋邨遊樂團》拍攝外景,黃智賢專程來探班向江美儀。
藝人江美儀、滕麗名和梁嘉琪在荃灣為無綫節目《屋邨遊樂團》拍攝外景,熱播劇《親親我好媽》演員黃智賢(Ben)、郭子豪等前來探班,向女主角江美儀送上好消息,宣布劇集在本周一最高收視達31點,平均收視有28點,觀眾收看人數高達1,991,000人,可喜可賀!
江美儀直言高興。問如何酬謝觀眾?她笑說:「Ben話送泳衣畀我,但我仲未收到!」令Ben笑謂:「都唔知Size,好難買!」江美儀聞言即指泳衣上陣還是交由江嘉敏、郭子豪等年輕一輩更合適。
望不要重提熊子逸傷心事
提到劇集最後一次宣傳,疑被雪的「大女」江嘉敏仍然缺席。江美儀指劇集成績證明江嘉敏有能力:「希望盡快解決個問題,快啲出返嚟。」而「細女」熊子逸被爆家庭慘事,江美儀和Ben異口同聲指:「唔好再搞佢喇!」江美儀更謂:「愈講就愈令佢諗起以前啲唔開心嘅嘢,大家高抬貴手,寫埋呢次就好喇!佢媽媽都同我講因為新聞傷心,怕令個女重溫呢啲嘢,佢得13歲咋!」
劇集成績理想,問會否添食?Ben指會交由公司決定,江美儀則謂:「我就襟撈爛做冇投訴!」Ben就指即使劇集不拍續集,而二人合作都是美事,豈料江美儀笑謂:「拍吓屋邨、街市都好,但係之前都係麥包(麥長青)做喎,你唔驚?」Ben露出尷尬笑容,因為《親》劇原本是由麥包主演,Ben只是執二攤。
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon