黃泆潼自認脾氣差!外國人老公硬食

20170302
東網電視
更多新聞短片
有個咁好嘅老公,當然高興~

藝人黃泆潼、蔡穎恩、樂隊Rubberband、Kolor、阿水@觸執毛等今日出席品牌活動,提到黃泆潼與獨立電子音樂人老公Kavemura剛度過結婚一周年,她說:「好開心,係早兩日,我哋煮飯仔同出去飲嘢,本身諗住去旅行,但揀唔到地方。」又指沒有交換禮物,最重要兩人夠甜蜜。

老公外國人表達直接

而黃泆潼指與老公未過夠二人世界,覺得眨下眼已就一年:「啱啱結婚好多嘢要學,依家第二年開始,啲開始上軌道,關係都好啲。(最大得着?)兩個人要互相支持,上年我健康唔太好,但老公好支持我,嗰啲位好緊要,我脾氣又差,佢要受晒,呢啲位自己又要學吓改,睇到對方愛你又好開心。」又指因老公是外國人,會直接表達心中想法,不會收收埋埋:「佢愛你就會話愛你,覺得你靚就會話你靚,亞洲男士會少啲呢啲,呢啲位好好。(感染你?)有,不過我不嬲都係咁,所以搵到個都係咁嘅就好match。」

Rap英文有廣東口音


工作方面,黃泆潼表示主要忙於做DJ,又指作了一首新歌將於美國推出:「我自己作國語歌詞,同第一次rap英文,錄嘅過程好難,因為我英文口音比較廣東話,始於冇啲外國浸過鹹水,我覺得仲差啲,但首歌美國出,佢哋聽可能會特別啲。」又指因英文rap的詞是由老公寫,所以有請教對方。

__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon