噴血多圖!張致恒擒火辣新歡唔認性上癮

20170302
東網電視
更多新聞短片
張致恒坦言認識梁皓恩後會修心養性做乖仔!

出道14年的藝人張致恒(Steven)先後與多位女歌手及?模拍拖,給人印象花弗,至2014年底被東網獨家撞破與35E導彈胸模特兒莊端兒(Xenia)公園談心,Steven當時大方承認發展姊弟戀,不過於2016年再被東網拍到背女友「偷嗒」富貴台妹,知衰的Steven即宣布與Xenia結束兩年情,並向Xenia公開道歉兼承認有「性上癮」需要求醫。

誘惑甫士惹遐想

32歲的Steven揚言會寄情工作,但不出半年又有新女登場,在網誌「大頭相」中「放閃」,換上與舞台劇演員新女友梁皓恩(April)的合照。東網火速將新女起底,原來April不只參演舞台劇,更是索爆模特兒,早前更為攝影師Jerry Ling拍攝了一輯火辣性感照,當中穿上喱士胸圍及T-Back大擺誘人甫士,意識大膽,令人想入非非!

睇完舞台劇抄牌

Steven向東網承認女友身份:「係女朋友,都係啱啱開始。(高調放閃?)想畀個身份女朋友,希望畀到安全感佢,都知自己個底太花,同埋真係修心養性要做乖仔。」並直言視對方為結婚對象:「唔想畀人感覺好花弗,每次拍拖都朝着呢個目標進發,中途發生咩意外都估計唔到,當然我都要做好自己,講咩都冇用,想用行動話畀大家聽,我係有改變咗。(會閃婚?)唔排除呢個可能。(點識?)日前朋友邀請我去睇舞台劇,佢有份做,之後就交換電話同傾偈。」Steven又澄清沒有「性上癮」:「當日記者問時我太心急亂講,想將責任賴落個病度,其實我冇呢個病。」

叮囑愛錫女友

身為舊愛的Xenia亦叮囑Steven要愛錫女友:「當然送上祝福,開心事嚟。(叫佢生性?)都咁大個仔,要努力做好自己,女仔用嚟錫嘅。(佢話唔排除閃婚?)緣分嘅嘢話唔埋,希望佢成事。」

__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon