細妹熹瞳台上落淚　林聞恩：佢好大壓力

藝人林聞恩（Mannyan）到深水埗宣傳新片，並獻唱電影主題曲《看不見的存在》，她說：「第一次有屬於自己嘅歌，公開唱自己嘅歌，心情好緊張，頭嗰幾粒音有啲震，但觀眾畀到好好鼓勵我，令我好快返入狀態！」

提到同場的胞妹林熹瞳，在台上戥男主角艾威不值時感觸落淚，Mannyan說：「頭先喺台下見佢眼紅晒，問佢乜事，佢反而鼓勵我集中精神唱好隻歌，我都知道佢好大壓力，因為雖然有好多人幫佢，但套戲佢親力親為，佢對自己要求好高，加上係咁大project，佢都瞓得唔係好好，媽咪都有陪佢，等佢瞓得好啲。」