黄美棋有重要事宣布！原来系去韩国...

艺人黄美棋、黄芷晴及无綫男新人郭子豪到钻石山出席高跟鞋竞跑大赛，三人穿上高跟鞋与一众参赛者竞赛，首次穿斗零踭的郭子豪行到歪歪斜斜多次险跣低，要两位女士出手搀扶，场面搞笑！而美棋穿上低胸装骚事业线，大晒皮薄馅靓“水晶包胸”，画面相当震撼！

论论尽尽

美棋解释选这套低胸装因要衬桃红色高踭鞋，讲到穿高踭竞步，她笑言相当舒服：“惯咗，同埋我拣咗厚底，不过我平日着平底都论尽，经理人惊我会跌，好彩冇事。（有冇穿高踭遇过尴尬事？）啱啱学嗰阵当然唔惯，平衡唔到，但好彩冇试过大出丑。”

去韩国好快...

讲到她预告有“人生大事”要宣布，美棋否认是结婚，她笑说：“年底我会离开香港，去韩国训练，韩国同香港训练好唔同，我识咗个韩国制作人，佢叫我去体验吓，我会学唱歌跳舞，对练发音、肢体语言都好有用。（去几耐？）几个月至一年话唔定，研究紧上咩课程，中间都可能会返香港接吓工作。（去嗰边签埋公司？）未知，要睇系咪适应。（男友锺健威有冇唔舍得你？）有啩！佢好支持我，知我锺意演戏，咁香港去韩国好快啫！（要延迟结婚大计？）可能！希望唔好太迟，咁结婚前都想有好发展。”

__________________________

想听歌？想睇MTV？想了解本地Indie Band资讯

快啲click入“声大夹乐”专页： http://on.cc/musicon