不是排卵日親親 葉翠翠分享造人秘訣

20170306
東網電視
更多新聞短片
葉翠翠分享造人秘訣  

前港姐葉翠翠結婚後積極造人,用咗差不多一年時間,上年11月宣布佗B四個月,依家全力安胎,不時喺社交網share佗B心得。呢日翠翠突然喺微博教人生仔,原來佢收到唔少留言,網民話因為生活壓力而好難懷孕,所以翠翠就綜合咗啲懷孕小貼士同大家分享。

翠翠話要食維他命D同E,可提高懷孕成功率,佢仲教大家計排卵期添,全文如下:
「收到好多好多留言,有時睇到會覺得好心疼,雖然大家素未謀面。知道現在的社會生活壓力下好難懷孕,就算懷上了,都留不住,有留言說試過幾次小產。我現在開始把自己所知所識的都會同大家分享!而不能夠懷孕也不能全歸咎於女性身上,好多男性都有隱性問題,只是他們沒有檢查。現在先講女士可以留意的地方
如何幫助受孕?
能不能懷孕是有好多因素,身體狀況,排卵日期,荷爾蒙等等(如果是身體有問題當然我也幫不了忙)。先從簡單講起。
*每天食vitamin D and E,都是幫助卵子着床,Co Q10 幫助卵子發育健康(男女都要吃),要食3個月起計。
*計算排卵日,最好是排卵日前2天親親,不是排卵日當天或之後,因為分泌有變化,精子不能走上子宮。
*荷爾蒙是最微妙的一環,不受我們控制,只可以先調理好身體,睇中醫,正常月經,子宮內膜較厚等等。
想有健康的寶寶必須由媽媽身體開始,始終都是媽媽十月懷胎孕育出來的。
調理身體食療請參考之前的post。」