蔡思貝跟張衞健學嘢變老火湯

無綫藝員蔡思貝、洪永城、曹永廉、徐榮、李嘉、譚凱琪等在將軍澳電視城為無綫五十周年台慶劇《大帥哥》試造型。蔡思貝在台慶劇中擔正女主角飾演革命黨員扮演張衞健的女人。問到蔡思貝與張衞健合作可有壓力，她笑說：「好開心好期待，一直都唔敢相信，今日見到佢仲有啲面紅。（驚唔驚佢轉數快？）正呀，可以學嘢希望煲湯煲完之後變成老火湯。」洪永城則說：「希望將壓力變成動力，佢係電視劇其中一位王者，希望喺佢身上學到一啲技能、技巧，好期待同佢合作。」

落鞋油話發夢拍過《西遊記》

介紹角色時洪永城對張衞健說：「我細個發夢拍過《西遊記》，頭先見到Dicky都忍唔住叫佢《西》劇花名。」張衞健愕然說：「你有份拍咩？」洪永城被問到竟然大膽叫張衞健劇中的花名，他笑說：「真係情不自禁，因為見到佢太有親切感！」洪永城又指早前出外拍攝節目每日抽半小時睇劇本，內心才感到踏實，亦要為新劇操弗，笑謂劇中要「騷脂」。