世伯問點避孕　鄒凱光同女友行埋有壓力

藝人鄒凱光在自己任主持的ViuTV節目《晚吹-男人講嘢》中，自爆曾經在一次見家長中，被未來準外父兜口兜面以「玩女」作話題，對他進行測試，從此令他與女友有親密舉動時，腦海即浮現世伯質問時的畫面，嚴重影響他與另一半的和諧關係。

鄒凱光憶述某次應女友父親「邀請」到露台傾偈，他說：「世伯搭晒膊頭咁，我已經覺得有壓力，之後佢話：『我都後生過，明白男人未結婚前都係血氣方剛，鍾意玩女，同你一樣啦！』我聽完咪扮傻，答佢：『世伯，我真係睇唔出你係咁嘅人喎！』點知世伯仲繼續，問我會用咩避孕方法，夠唔夠安全，自此，我每次同女友親密嗰時，就諗起世伯質問我個畫面！」