鄭敬基孖老婆賀大仔畢業：佢依家識醫我

現年54歲的鄭敬基（Joe）去年5月迎娶比他年輕19歲的圈外女友Angie，但Joe天生一副童顏，二人外型上完全沒有差距，Joe亦絕不介意與老婆仔公開晒恩愛，近日兩公婆就齊齊飛到澳洲悉尼賀27歲仔仔鄭家揚於悉尼大學（University of Sydney）碩士畢業，Joe還將相片上載至社交網與大家分享喜樂，網民都紛紛留言指他兩父子似足兩兄弟！

同仔仔似兩兄弟

事後Joe接受東網電話訪問，講到兩父子十足餅印，他笑說：「冇咁諗，但好多人咁講。」他又透露仔仔是實習物理治療師，試過有病人跟他兒子說：「你好熟面口，係咪唱歌㗎？係咪鄭敬基？」兒子即澄清：「我係佢個仔。」至於被讚與仔仔似兩兄弟，問到有何保養心得？他指自己純天然，更表示沒有吃過補品，並分享童顏秘訣：「自己冇愁，唔開心會同身邊人分享，唔會眉頭皺。」他又謂今趟旅程最開心是兒子的貼心舉動：「我膊頭痛，阿仔幫我醫，又得喎！好感恩，佢以前仲返學，依家識醫我。」

前妻妹妹缺席畢業禮

至於前妻和細女為何沒有現身畢業禮，他解釋：「因為媽咪（前妻）同妹妹喺加拿大，要二十幾個鐘先飛到悉尼，仔仔得兩張飛，所以我同老婆做代表。」他又透露未來日子會很忙，要不時飛到加拿大：「妹妹6月大學畢業，我要過去，佢讀教育系，8月就到仔仔結婚，新抱係音樂治療師。（你同個仔咁似樣，組兄弟合唱團？）絕對冇可能，佢哋冇興趣入行，至於留邊度發展就佢哋自己決定。（恨抱孫？）冇所謂，順其自然，到時可能話個孫係我個仔。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon