李蔓瑩赴韓拍《吊靴鬼》病住頂硬上

20170313
東網電視
更多新聞短片
Renee成功黐實新相識的香港遊客,令她首次嘗試滑雪滋味。

擁有甜美笑容的女藝人李蔓瑩(Renee)早前到韓國首爾拍攝ViuTV節目《旅行吊靴鬼》,跟上輯一樣,Renee要在當地「白撞」,要求跟香港遊客齊齊玩,今次可謂既開心又辛苦,開心是Renee碰到朋友,辛苦的是她全程抱恙要病住拍攝,Renee說:「最難忘係第一次滑雪同玩Running Man拍攝過嘅機動遊戲,但好慘第一日就病咗,好多美食都食唔到,玩機動遊戲時係用好沙嘅聲嗌,嗌救命都嗌唔到,我仲去咗醫院睇醫生,好在有個韓國OPPA幫我同醫生溝通。」講到第一次在雪地玩Snowboard的感受,Renee直言又好玩又覺得很型,但因拍攝時間緊湊,Renee要極速上堂,成績算不錯:「我食住藥玩,開頭都OK,但跌咗兩次就冇力起身,所以節目出街嗰Part我係包尾,因為已經冇晒力。」