利穎怡着情趣內衣 譚永浩有生理反應

20170314
東網電視
更多新聞短片
拍劇拍得你哋咁開心?
無綫《東張西望》主持利穎怡(Joan)除了拍劇及做主持,近月更自編自演網劇《好朋誘Friends with Benefits》,請來兩位同期訓練班的型男袁鎮業(Kelvin)及譚永浩(Jarryd)演出,戲中Kelvin扮演Joan的舊愛,希望復合,Jarryd則是Joan的現任男友,但他早已背女友偷食,關係錯綜複雜!網劇頭兩集播出後獲得不少網友喜愛,而Joan與兩男均有親熱床戲,她更身穿性感情趣內衣,網友激讚她身材好,而第三集結局篇將於本月中在網上播出。
飲酒壯膽拍
三人日前接受專訪,老友鬼鬼的他們擺出多個趣怪甫士,默契十足,訪問期間Kelvin及Jarryd不時夾攻Joan,令Joan緊張傻笑。兩男笑言Joan安排床戲是「公器私用」,Joan即解釋說:「唔係呀!係佢哋話我寫得太保守,要加床上戲,真實啲!係佢哋要求㗎!」問到拍親熱戲時有否尷尬?Joan說:「第一次着情趣睡衣,好怕醜!好彩劇情要飲酒,我飲咗半支紅酒,之後就大膽咗。」Kelvin笑說:「我唔係好尷尬,太熟,冇咩雜念!」Jarryd說:「第一次見Joan着得咁性感,都愕然,但之後佢表現得好豪邁,就冇咩嘢。(有冇生理反應?)有呀!就係想擰歪面。」Joan即說:「唔係喎!我剪片嗰陣見你目不轉睛望住我喎!反而Kelvin就冇咩點望。」Jarryd解釋說:「係劇情咋,唔係我想望㗎!」
Joan劇中周旋在兩男之間,問她較喜歡高大肌男的Kelvin,還是陽光男Jarryd?她說:「兩個都有我喜歡嘅元素,不過,我真實係鍾意啲內斂宅男,所以兩個都唔揀呀!」問Kelvin會否像角色一樣想翻撻舊愛?他說:「會想試吓,我係念舊嘅人,但唔同劇入面係為性,我只係想食飯見吓,不過唔會畀自己回頭。」至於陽光笑男Jarryd劇中破格演偷食賤男,他笑言是大挑戰,自己現實生活絕不會偷食。
利穎怡髮型:Perry Law@WP Salon
袁鎮業髮型:Raymond Yu@Savor Hair
譚永浩髮型:Ray Hui@Next Salon
利穎怡髮型:Perry Law@WP Salon 
服裝:Chictag 
場地:Goobne Chicken/Barry@Oneness