陳雅倫又發功！發千字文呻對男友死心

現年51歲嘅藝人陳雅倫，上個月先公布同吳彥祖表哥Martin拍拖，仲已經去到談婚論嫁階段，正當大家恭喜陳雅倫閃婚做雞年新娘之際，竟然傳出二人分手嘅消息，期後陳雅倫都大方承認同Martin手已分，之後就不時喺社交網抒發分手後嘅心聲。

日前佢就上載狀態大勇嘅靚相，仲留言話：「一切從新開始，把所有「垃圾」通通（統統）產（剷）除，回復我單身貴族氣質❤」，到咗尋日白色情人節，雅倫再次喺微博發表千字文抒發情感，內文大致講到佢同對方之前嘅相處情況，例如有一次對方咳咗一個星期，但對方以最討厭去醫院同唔想傳染雅倫為理由，拒絕雙方見面，又試過失蹤24小時。

雅倫又喺文章提到佢哋第一個情人節、自己生日，對方都完全消失得無影無蹤，連一個電話一個訊息都冇，最後雅倫仲喺文章結尾問：「請問我們這段感情還有什（甚）麼？請問我為什（甚）麼仍要繼續這段情？我的心就是這樣被你一刀一刀狅（狂）插，直到血流乾，心全死！」