孖老公晒肚　楊愛瑾佗B八個月身材Fit爆

藝人楊愛瑾（Miki）去年4月與圈外男友郭永淳拉埋天窗，「造人」半年宣布懷孕，現懷有32周（約八個月）身孕的她一直深居簡出養胎，她罕有地透過社交網上載大肚相！

露出巨肚的她身形依然窈窕、手腳纖瘦，身旁的老公亦赤裸上身展示肌肉，一凹一凸相映成趣！Miki留言：「Chok一Chok，世界更美妙。我教佢望穿鏡頭，我做佢經理人，有咩Job搵佢就搵我。」

記者聯絡Miki，問到如何保持美好身段，她說：「依家每朝返工前六點半起身做運動，希望操Fit等將來多啲體力同BB玩。我哋已經計劃咗生完之後一齊做運動操Fit大家。」