安祖蓮娜傳與前夫比利卜科頓復合

荷里活著名女星安祖蓮娜祖莉（Angelina Jolie）自去年與影星老公畢彼特（Brad Pitt）婚變之後，先後傳過與影星謝勒力圖（Jared Leto）及疑似保鏢撻着。話口未完，最近有傳她與影星前夫比利卜科頓（Billy Bob Thornton）重修舊好！

據知安祖蓮娜與畢佬一齊時已秘密聯絡61歲的比利卜，有知情者爆料：「安祖蓮娜同比利卜其實一直冇停過傾偈，佢哋分開之後一直都有用唔同方式聯絡。最近佢哋就佢哋愈傾愈多，不過家陣安祖蓮娜專注慈善工作及子女方面。」

查實一向少談前妻的比利卜去年接受雜誌《GQ》訪問時就有提及她，比利卜在訪問中指他身上仍有獻給安祖蓮娜的兩道紋身，一個在右腳，另一個就在手臂上現由一個天使圖案遮蓋。他更向記者騷紋身指安祖蓮娜個名仍在。而比利卜更在訪問中指前妻唔單止可以做聯合國大使，仲可以做其他方面的工作。