性感影大肚相留倩影!葉翠翠肥肚唔肥人

20170318
東網電視
更多新聞短片
翠翠完美演繹肥肚唔肥人!
現懷有七個多月身孕的葉翠翠,早前與建築師老公周曉東齊齊影了一輯大肚靚相,見索媽翠翠以BRA TOP配薄紗造型性感上陣,肚凸凸但四肢依然纖瘦,相信亦落了不少苦功KEEP FIT!
性感老公冇投訴
翠翠接受東網訪問,透露在懷孕29周時拍攝這輯靚相,問到性感上陣老公有否投訴?她笑言:「當時都有睇攝影師提供嘅參考,好多都好性感,老公都話有唔得咁性感呀!佢話要性感嘅由佢自己嚟拍!」翠翠又自爆為影靚相準備私伙內衣:「一次買咗好幾套,老公見到問咩事,知道係拎嚟影相,佢話『影你個頭』呀!(咁聽晒老公話?)梗係要尊重老公,但去到現場影咗啲密實嘅,老公都話見唔到肚,其實冇想像中咁性感。(最後有幫你揀內衣?)佢冇乜心機理呢啲。」
翠翠身型依然弗爆,講到她「肥肚唔肥人」,翠翠表示:「自己會睇住食物嚟食,主要係低脂高營養食物,自己會經常留意個體重,因為醫生話如果升太多都唔好,好易會有妊娠糖尿,所以都CUT晒啲碳水化合物,主要食蒸魚、肉餅同埋菜,自己平時都少食飯嘅,所以都冇話唔習慣。」
擔心患產前抑鬱
翠翠曾受訪表示懷孕時情緒較不穩定,一直關心自己健康的翠翠,亦坦言懷孕前擔心患上產前抑鬱,她說:「懷孕前都有擔心過,初期係情緒化啲,但之後每日都好開心,因為老公照顧得好好。」翠翠透露預產期在五月中,計劃開刀生B,她表示:「聽過媽媽朋友產自然產有好處,但亦都有好多驚險事,自己又好細膽,所以都係開刀生。(唔怕有疤?)唔怕,好細條㗎咋,比堅尼都着到!」
分勉日子進入倒數,翠翠表示仍未覺緊張:「未開始緊張,今日先開始執BB房。(老公出錢布置?)冇乜點布置,除咗之前去日本旅行買嘅BB嘢,其他都有贊助,冇乜洗到錢。(執咗走佬袋?)執埋老公嗰份,到時佢要一齊住醫院㗎,老公都有話『使唔使呀』,我話你唔陪我我走咗去呀!(陪你入產房、剪臍帶?)我自己覺得好核突,但醫生話冇嘢㗎,冇血,老公就話想剪,不過佢係緊張大師,又要影相又要拍片,睇佢到時做得邊樣啦。」