袁偉豪除底晒股　黃翠如大爆：好白呀

藝人黃翠如、袁偉豪晚上在尖沙咀出席無綫新劇《使徒行者2》煞科宴。袁偉豪在劇中有不少騷肌鏡頭，更要除淨底褲跑街，原來還未算最激，最激要數露肌戲，他笑說：「乜都除晒，唔露冇嘢撈，有場戲要救翠如，都已經除淨底褲，我同導演提議不如除埋有個喜劇效果，pat pat見晒，但就要睇吓出唔出到街。」

黃翠如則取笑袁偉豪是「派福利」，她說：「嗰場戲啲女工作人員睇到好興奮，叫晒話『好白』呀。我就睇得太多，覺得好悶，袁偉豪係全劇最性感嘅演員，大家睇佢好過睇我。」問黃翠如可希望男友蕭正楠學袁偉豪爆肌？她笑說：「佢好難，大家市場唔同。」