萬梓良拖太太賀鍾景輝八十大壽

藝人萬梓良少有地拖實太太現身鍾景輝八十歲壽宴，講到帶同太太出席，他笑說：「嚟飲吖，想帶埋個仔嚟?！但係要返學，個仔依家都14歲喇。」問到準備甚麼禮物給老師？他表示：「之前同老師做咗個演讀叫《人民公敵》，係送畀老師嘅最大賀禮。能夠喺老師80歲時同台演出係我福氣，今次係老師叫我做，角色特別多台詞。佢上年做完手術，恢復得唔錯，過程中感受到老師幾十年對戲劇嘅熱誠。（重演？）真係好辛苦，只此一次。」

講到宴會中不少人稱萬梓良為「大師兄」，他笑說：「我唔係真係大師兄，我係麗的藝訓班第二期學生，前面仲有好多無綫同演藝嘅藝訓班，嗰啲先係大師兄，係大家客氣啫！同老師識咗40年，當時20歲，教咗我好多嘢，老師係一個謙謙君子。」