入行即失業！劉永健靠樓南光介紹入無綫

藝人劉永健接受電台訪問，提到被指是無綫的御用奸角，他自言不介意，還自爆被稱為「TVB有錢仔」及「劉公子」：「因為我做親啲角色都係二世祖、敗家仔。（有冇同監製講唔想做？）冇。」他唯一一次不做奸角，就是於《雲海玉弓緣》飾演有潔癖的公子，因此很感激監製張乾文。說到他是劉家榮的兒子及劉家良姪仔，劉永健坦言有靠家人入行：「我本來入電影圈，喺加拿大返嚟，加入鄭則士嘅滙川電影公司。當時係電影最差嘅一年，95、96年，滙川被迫停產解散，我一入行就失業。」之後他在貿易發展局做了一年兼職，有次跟爸爸參加慈善保齡球賽，樣子見報後，樓南光就向高層介紹他入無綫。

劉永健透露試鏡時一段小插曲，原來當時華星唱片公司宣傳部有人邀請他參加新秀：「我鍾意唱歌㗎，但佢話當晚就截止報名，叫我即刻考慮。我話我跟咗佢走就冇得試鏡，都係做番做緊嘅嘢好啦。」結果該屆由陳奕迅贏得冠軍，劉永健笑言：「就算我參加咗，個結果都冇可能改寫。」