又撞樣？胡鴻鈞被發現激似李宇春

其實呢...呢個圈大把人撞樣，不過呢，要撞完男再撞女，就真係幾乎萬中無一，呢三個人上世可能有宿世姻緣至得（好多網友都係咁講）！

就好似歌手胡鴻鈞（Hubert）咁，之前畀人話同陳柏宇（Jason)撞樣撞到嘭嘭聲，網友仲話Hubert同Jason最似就係下巴，加上眉宇間英氣外露，勁似失散兄弟。

失散家姐

近排有網友好有心，幫胡鴻鈞搵埋失散家姐，咁係邊個？咪就係內地女歌手李宇春囉，真係沒有最似，只有更似呀，Hubert同李宇春簡直形神俱似，有網引用《木蘭辭》嚟形成佢哋兩個：「雄兔腳撲朔，雌兔眼迷離；雙兔傍地走，安能辨我是雄雌？」Well...咁算唔算形容得中肯呢？因為亦有內地「春粉」話都唔識胡鴻鈞，一啲都唔似春春喎！

柏宇=春春？

似唔似閣下可睇相自有定奪，又有問題嚟喇，依家話胡鴻鈞似陳柏字又似李宇春，咁係咪陳柏宇=李宇春呢？網友呢條數學題真難答！

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon