【考食客耐性】趙海珠扮侍應遭人問候

前新聞主播趙海珠出席節約用水活動，已為人母的她透露三歲囝囝最愛沖涼玩水，她說：「我會話佢聽要珍惜用水，上網開片佢睇幾多地方小朋友冇水飲。」為電視台拍攝新節目的趙海珠坦言節目中遭兩男士問候，她說：「我要喬裝扮侍應，節目內容係想講香港人有幾有耐性，有兩個男食客等咗食物十分鐘，所以畀佢問候，都幾好玩同得意。」