攰到講錯對白 劉心悠唔覺享有特權

20170328
東網電視
更多新聞短片
心悠被指與周秀娜一樣享有特權,有休息時間呀!

藝人劉心悠出席無綫新劇《宮心計2深宮計》拜神儀式,心悠被指與周秀娜一樣享有特權,有休息時間,令其他同劇的演員為遷就她們的拍攝時間而踩到盡趕其他場口,心悠謂不清楚其他人的拍攝時間,但自己從首日開工就忙過不停,中間亦有放假休息一兩日,亦曾試過通宵拍劇,她說:「最辛苦係影視展個兩日,瞓得幾個鐘,不過之後有補番嘅,嗰兩日覺得好長呀!」

至於其他人可有休息時間?她謂不清楚,因劇集有兩個廠同時拍攝,如在化妝間撞到其他演員就會問,她說:「我都有問馬國明點捱㗎,都係之後有休息番,依家做咗個幾月tvb人,就愈似tvb人,梅小青對個個都好細心,踩完一輪會補番!唔係淨係我有假放。」

有捱嘅潛質

至於拍攝前可有傾過每日的拍攝時間?她說:「公司傾合約嗰陣有傾,但大家都係為戲,趕戲嗰陣都唔會特別提。(合約寫明拍幾耐?)唔記得啦,要問番公司。(依家頂唔頂得順?)ok嘅,我都有捱嘅潛質!」

至於今次拍劇是否從演以來最辛苦?她謂以前拍鬼片辛苦在吊威吔,今次就是沒有時間休息,更笑指試過連續拍三日後攰到講對白時講錯英文,她謂:「試過同韋家雄對戲嗰陣,我講強人所難,佢聽到強人桑拿,不過過到嘅,我無講錯,佢玩吓啫!」