麥長青夥17歲女兒闖幕前「冇怯場」

去年約滿無綫的藝人麥長青（麥包），離巢後工作量有增無減，先後接拍網劇、網絡電影、擔任代言人及投資食品生意，麥包繼早前拍攝電玩遊戲廣告而大受歡迎後，即時成為廣告商的寵兒。今次更破天荒與17歲的女兒麥淳琳「父女檔」上陣拍攝廣告短片，大晒親子情。

麥包最近為拍網劇香港與佛山兩邊坎，近日他特別向劇組請假10小時回港拍攝廣告，雖然行程緊密又頻撲，但可以見到女兒及太太，麥包即時差足電開工。拍攝期間，麥包與女兒默契十足，輕鬆完成所有鏡頭，淳琳在爸爸帶領下毫不怯場，表現純熟，獲導演及工作人員大讚有天份。

淳琳遺傳演戲天份

麥包坦言平日與女兒相處如朋友一樣，經常傾訴心事，樣樣有商有量，像今次拍攝，亦跟女兒商討過後才答應，而麥包亦笑言事前對女兒非常有信心：「起初大會也擔心淳琳首次在幕前演出會緊張，但其實她在學校有參演舞台劇經驗，所以即使面對鏡頭亦十分為自然。」提到近年不少星二代入行，淳琳可有興趣演戲？麥包笑指：「女兒暫時學業為重，加上她對幕後的興趣大過幕前。」

另外，麥包在圈中是出名好爸爸、好老公，今次趁拍攝空檔，急不及待與分隔個多月的老婆十指緊扣行商場兼Shopping，之後又與女兒齊齊歎小食，溫馨之情羨煞旁人！

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon