用歌紓解鬱結　黃浩琳：畀個機會自己

20170330
  • 東網電視
    更多新聞短片
    黃浩琳剖析如何走出愛情和事業的困局。
    歌手黃浩琳（Lillian）到電台宣傳新歌《纏路》，她表示歌曲在兩年前寫的，當時在工作上及愛情上都有阻滯，憑歌作自我治療：「有時可能遇到啲情況令你好負面，但呢個係一個里程碑，你活過嘅證明，要為自己自豪，同埋時間可以解決困局。」
    感謝唱片公司支持
    Lillian談到當時工作上的阻滯時說：「我狂寫歌，但唔係好感覺到要繼續做唱作人應該點做，我有責任去令公司知可以點帶住我，但我唔知點算，所以沉澱咗一下，公司好好唔會逼我趕deadline（截止日期），我2015年冇出歌，但2016年底都開始番工作，之後公司就搵Cousin Fung幫我，衝擊吓我。」
    女仔可以做主動啲
    至於感情上的阻滯，Lillian透露當時正經歷曖昧關係：「係唔係又唔知，邊個踏出一步先又唔知，唔夠膽呀，最後冇成事。（你唔主動？）我怕醜，唔夠膽，其實我覺得女仔可以做主動啲，但有時可能我覺得我做咗嘢佢又唔知，我哋依家做咗朋友，但冇傾番呢啲。」
    Lillian坦言沒有太多感情經驗，但這次學懂了更多男女關係的事情，亦有助自己寫歌：「有時如果一個男仔畀attention（注意）你已經係鍾意你，因為男仔有時難集中啲，要忠告各位女士。」
    談到新歌適合現時的學生，有很多學生因鬱結而做傻事，Lillian說：「我唔知點講，但覺得唔好行呢條路，有咩困難真係畀個機會自己同時間，人好難得有生命，係咪真係要選擇去死我唔知，我都唔知佢哋當中嘅難題，但盡量啦！我希望我嘅音樂可以紓解佢哋。」
    __________________________
    想聽歌？想睇MTV？想了解本地Indie Band資訊
    快啲click入「聲大夾樂」專頁： http://on.cc/musicon