貴花田否認影大膽相：保留法律追究權利

44歲電台DJ貴花田（原名陳寶玲）日前被讀者越洋爆料，指她疑似被拍下一張大膽照片。貴花田今日繼續為電台開咪，當節目完後的貴花田發現記者在場時，即衝入另一間房，並刻意背住記者。

貴花田：咩小三呀！

她之後在DJ同陪同下步出房間時，顯一臉不耐煩，記者叫她企定定影張相，她沒有理會邊行邊受訪，問到「大膽照片」一事？貴花田說：「都講晒啦，仲講？（有第三者？）咩小三呀？我係小三？」身旁的DJ同事為對方解話說：「啲報道係假嘅。（之前有留言騷擾你？）冇呀，唔知你講乜？」期間，貴花田與老公傾電話，並表示老公在外接她收工，她愈講愈火說：「我先生係出面接我放工，咩都講晒，仲問？」

目露兇光發老脾

問到擔不擔心再遭人爆料？貴花田說：「唔驚。（會報警？）所以我咪話保留法律追究權利。」問會否再採取行動？貴花田來不及反應，再問有否向老公解釋？她又度有火說：「使乜解釋？佢都明白。（你啲仔女？）真係唔好騷擾屋企人，好多朋友、屋企人不停慰問，帶畀大家麻煩好唔好意思，嗰封信（爆料信）有埋嘢我就會告佢，所以我保留法律追究權利。」當問到有否拍過自拍大膽相？貴花田目露兇光發老脾說：「都答晒啦，仲有冇嘢問？你哋係邊間？都話係假，仲問？（咁有冇影過（指大膽相）畀丈夫？）冇，一定冇，絕對冇，全部都係假，冇第三者，同先生關係好好。」貴花田愈講愈火，她老公揸車接她離開，期間其老公向傳媒揮手，反而貴花田則坐在後排乘客位。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon