高飛欠租逾四萬　尹揚明助照顧中風兒子

動作演員高飛於昨晚因前列腺癌病逝，其42歲兒子Jimmy（林志強）因兩年前中風已無工作，經濟陷入低谷，而高飛生前好友尹揚明向傳媒透露，其實高飛和兒子居住在大埔的寓所已經欠租幾個月，業主要求他四月底要遷出。

尹揚明今日專程前往Jimmy大埔寓所探望，並着對方不要擔心，尹揚明會與高飛一班好友照顧Jimmy，尹揚明接受東網訪問時說，日內會聯同朋友一齊搵社署職員及區議員尋求協助：「可能係聽日、後日搵，都要叫啲朋友幫手，因為自己都唔係太熟呢樣嘢。（會幫Jimmy籌錢？）會！搵緊部分朋友幫手，睇吓可以做啲乜。」他表示已經和Jimmy說：「仲有我哋喺度，冇嘢做都唔會餓死，依家最緊要搵個地方住。」

而Jimmy接受訪問時亦承認欠租一事，欠租約四萬多元，他謂：「尹揚明今日嚟探我，我都有將我嘅問題同佢講，多謝佢好意，之後見步行步。」至於高飛生前另一好友藝人何華超則呼籲大家慷慨解囊、隨緣樂助，將撫恤金捐出，幫助這位前輩的兒子度過難關。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon